Gjilani dhe Feronikeli ’74 janë në luftë për të ikur nga zona e kuqe, derisa përballja ndërmjet tyre në vikend përfundoi me shifra të barabarta (1-1).
Megjithatë, jo gjithçka shkoi drejt sikurse edhe rezultati i barabartë i ndeshjes, pasi që kishte ankesa nga ana e vendasve në ndarjen e drejtësisë.
Siç mëson Gazeta “Enigma”, gjilanasit janë të indinjuar thellësisht me ndarjen e drejtësisë nga gjyqtari Genc Nuza, i cili nuk akordoi një penalti në pjesën e parë të lojës.
Tashmë janë publikuar edhe pamjet, të cilat e dëshmojnë qartë se futbollisti Granit Musa i Feronikelit ka shkelur futbollistin e Oltion Bilalli të Gjilanit brenda zonës dhe nuk është akorduar penalti.
Për hir të korrektësisë, Gazeta “Enigma” ka marrë edhe mendime të disa ish-gjyqtarëve të njohur në vend, të cilët kanë konfirmuar se kjo situatë është dashur të akordohet penalti për Gjilanin.
Për më tepër ndiqeni videon:
Dalin pamje të reja, Gjilani u dëmtua rëndë për një penallti ndaj Feronikelit ’74 👀🇽🇰 pic.twitter.com/g9KHhmo7vk
— LIG Sport (@lig_sport) April 23, 2024
