Tifozët e kombëtares serbe dje kanë vazhduar skandalet, duke shpalosur mesazhe të ndryshme nacionaliste kundër Kosovës, teksa zhvillohej takimi ndaj Anglisë në Kampionatin Evropian.
Normalisht ky veprim i serbëve nuk i ka ikur shtëpisë së futbollit evropian, UEFA-s, pasi kabnë vëzhguar gjithçka dhe tani kanë marrë hapat e parë, shkruan LIG Sport.
Serbët janë në hetim për hedhje të gjësendëve në fushë dhe mesazhave provokuese.
Ja njoftimi i UEFA-s:
“EURO 2024 – Serbia vs Anglia
Procedurat disiplinore janë nisur në përputhje me nenin 55 të Rregullores Disiplinore të UEFA-s pas ndeshjes së fazës së grupeve të Kampionatit Evropian të UEFA-s ndërmjet Serbisë dhe Anglisë (0-1) të luajtur më 16 qershor 2024 në Gelsenkirchen, Gjermani.
Aryseja: Ndeshja e fazës së grupeve të UEFA EURO 2024 ndërmjet Serbisë dhe Anglisë
Akuzat kundër Federatës së Futbollit të Serbisë (FSS):
– Hedhja e sendeve, Art. 16(2)(b) DR
– Transmetimi i një mesazhi provokues të papërshtatshëm për një ngjarje sportive, Art. 16(2)(e) DR
Organi i Kontrollit, Etikës dhe Disiplinës i UEFA-s (CEDB) do të vendosë për këtë çështje në kohën e duhur.
Për më tepër, një Inspektor i Etikës dhe Disiplinës i UEFA-s do të kryejë një hetim disiplinor në lidhje me sjelljet e supozuara diskriminuese.
Informacioni për këtë çështje do të vihet në dispozicion në kohën e duhur”, shkruhet në njoftimin zyrtar të UEFA.
