Çfarë Rome e frikshme, Lukaku gjen golin e parë… Etrit Berisha pranon shtatë

Skuadra e Romës ka shënuar një fitore të thellë në javën e katërt në Serie A, pasi me rezultatin 7-0 mposhti Empolin në stadiumin “Olimpico”

Qysh në sekondat e para të ndeshjes, skuadra e Jose Mourinhos fitoi penallti dhe Dybala nuk gaboi nga 11-metërshi, duke e mposhtur portierin e Kombëtares së Shqipërisë, Etrit Berisha, shkruan LIG Sport

Golat tjerë në pjesën e parë i shënuan: Sanches dhe autogol ng Grassi.

Në pjesën e dytë, Roma shënoi edhe katër gola. Rrugën e golit e gjeti sulmuesi belg, Romelu Lukaku i cili realizoi bukur pas asistit nga Belotti.

Golat tjerë në pjesën e dytë i shënuan: Dybala, Mancini dhe Cristante.

Kjo ishte fitorja e parë e Romës këtë sezon në katër ndeshjet e para. Tani shkon në kuotën e katër pikëve në pozitën e 12-të.