Conor Callagher, Trevoh Chalobah, Ian Maatsen dhe Armando Broja janë 4 emrat që pritet të shiten nga Chelsea këtë verë në mënyrë që klubi të shmangë poblemet financiare.
Gazetari Nizaar Kinsella ka shkruar një artikull për “The Standard”, ku thotë se sulmuesi shqiptar ia ka bërë të qartë bluve të Londrës se do të marrë kohën e tij për të vendosur të ardhmen.
Sipas po të njëjtit burim, Broja synon një skuadër të nivelit të lartë për të kryer lëvizjen e tij të radhës në karrierë.
“Broja do të synojë lart për lëvizjen e tij të radhës. Ai nuk do t’i bashkohet përfundimisht Fulham-it në fund të huazimit pasi ka mundur të ketë vetëm 52 minuta që kur iu bashkua atyre në janar. Kjo e ka ulur vlerën e tij në transferime, por ka një tjetër shans për të bërë përshtypje në Euro 2024. Më parë ka pasur interes nga Milani dhe West Ham-i”, është shkruar ndër të tjera në artikullin e Nizaar Kinsella-s
