Futbollisti i Kombëtares së Kosovës, Art Smakaj është futur në formacionin e javës në elitën e futbollit kroat.
Smakaj shënoi një gol dhe bëri një asist në fitoren e skuadrës së tij, Lokomotiva Zagreb 3:0 ndaj HNK Sibenik, shkruan LIG Sport
Në faqen e njohur të statistikave, Sofascore, mesfushori kosovar është futur në formacionin e javës dhe është vlerësuar me notën e lartë 8.2.
Smakaj është ftuar edhe nga trajneri Franco Foda për ndeshjet e nëntorit, por emri tij figuron vetëm në listën rezervë.
Në formacionin e javës në Kroaci, figuron edhe emri i mesfushorit shqiptar, Lindon Selahi.
