Pas fitores 2-0 të Gjermanisë ndaj Danimarkës në BVB Stadion Dortmund, ndodhi një situatë e papritur dhe e tensionuar.
Një person i maskuar është ngjitur në çatinë e stadiumit, duke bërë që policia të ndërhyjë menjëherë, shkruan LIG Sport.
Tifozët ishin ende të pranishëm në stadium kur linjat e policisë ndanë turmën për të arritur tek njeriu që ecte përgjatë një trau lart mbi tribuna. Pamjet e kapura nga Mail Sport treguan burrin, me fytyrën e mbuluar, duke lëvizur drejt një cepi të çatisë, ndërsa policia e ndiqte.
A man was ARRESTED after climbing up to the top of the stadium after Germany vs Denmark…
WOW. 🤯 pic.twitter.com/1O4dJiPQaK
— Mail Sport (@MailSport) June 29, 2024
Në një moment dramatik, policia nxori armët dhe futi në qoshe burrin, i cili përfundimisht u dorëzua nën kërcënimin e armës. Më pas ai u prangos dhe u demaskua ndërsa tifozët u evakuuan nga stadiumi.
Motivi i veprimeve të burrit mbetet i panjohur, por lehtësia me të cilën ai hyri në çatinë e stadiumit ngre shqetësime të mëdha sigurie në stadiumet gjermane.
