Shorti i Champions League për sezonin 2024/25 po merr jetë aktualisht në Monako. Ky është një moment historik për futbollin europian, pasi një format i ri aplikohet në këtë edicion.
Plot 36 skuadra marrin pjesë, që janë të ndara në 4 vazo me nga 9 skuadra. Kësaj herë nuk ka ndarje me grupe si më parë me nga 4 skuadra.
Çdo skuadër do të luajë kundër 8 kundërshtarëve. Nga 2 rivalë përzgjidhen në secilën prej 4 vazove. 4 ndeshje do të luhen në shtëpi dhe 4 të tjera në transfertë.
Shorti do të jetë digjital. Kalendari i gjithë ndeshjeve, që do zgjasin deri në janar, do të hidhet ditën e shtunë.
