Trajneri Sylvinho publikoi ditën e djeshme listën e lojtarëve të grumbulluar për Euro 2024. Në këtë listë të përbërë nga 27 lojtarë, ku një nga këta do të largohet para 7 qershorit.
Një listë mjaftë interesante sidomos në repartin e sulmit, aty ku shihet mosha e re e lojtarëve të ftuar nga trajneri brazilian dhe mungesa e dyshes, Myrto Uzuni dhe Sokol Cikalleshi, shkruan LIG Sport
Por ndalemi te Uzuni, i cili ka shënuar 11 gola në La Liga këtë sezon edhe pse skuadra e tij (Granada) ra nga elita e futbollit spanjoll.
Gazetari i sportit, Granit Tërstena përmes rrjeteve sociale i befasuar me mos-ftesën e Uzunit, krahason golat e tij me të Rey Manaj në Superligën e Turqisë.
“Golat ndaj ekipeve te La Ligas, vlejne me shume sesa kunder Istanbulsporit”, shkruhet në reagimin e gazetarit
Ai gjithashtu thotë se sulmuesi i klubit spanjoll ka qenë i lënduar dhe ndoshta kjo është arsyeja pse nuk është ftuar për ndeshjet e Euro 2024.
“Sidoqoftë, Myrto Uzuni më duket se ka pasur probleme me një lëndim, prandaj mungon në Euro 2024”, vazhdon tutje shkrimi i Tërstenës
Kujtojmë që Kombëtarja e Shqipërisë do të luaj ndaj Italisë, Kroacisë dhe Spanjës në Kampionatin Europian në Gjermani.
Golat ndaj ekipeve te La Ligas, vlejne me shume sesa kunder Istanbulsporit.
Sidoqofte, Myrto Uzuni me duket se ka pasur probleme me nje lendim, prandaj mungon ne Euro 2024. 🇦🇱🙏🏻
— Granit Tërstena (@terstenagranit) May 28, 2024
