Futbollisti i Kombëtares së Kosovës, Valon Berisha është bërë me skuadër të re pas një pauze tejet të gjatë për shkak të një lëndimi.
Berisha ka firmosur kontratë 2.5-vjeçare me klubin nga Bundesliga e Austrisë, LASK Linz, shkruan LIG Sport
Ish-lojtari i Reims tha se është tejet i lumtur që ka firmosur me klubin austriak dhe mezi prej të rikthehet në fushë.
“Isha i emocionuar që në momentin e parë. LASK është një klub shumë tërheqës dhe detyra është jashtëzakonisht fantastike për mua. Pamja e Raiffeisen Arena-s ma konfirmoi menjëherë këtë dhe u fiksova menjëherë. Unë me të vërtetë pres me padurim vitet e ardhshme në LASK dhe do të doja të bëj pjesën time për të siguruar që ne të jemi të suksesshëm së bashku”, ishin fjalët e para të Berishës
Kujtojmë që futbollisti kosovar e njeh mjaftë mirë ligën në Austri, pasi një kohë ka luajtur për Red Bull Salzburg.
Herzlich willkommen, Valon #Berisha! Wir dürfen einen Top-Neuzugang in der LASK-Familie begrüßen 🤩⚽️ pic.twitter.com/TQ9dzD4NKj
— LASK (@LASK_Official) January 8, 2024
