Ish-futbollisti i Manchester Cityt, Pablo Zabaleta, tani zëvendëstrajneri i Kombëtares së Shqipërisë, po ndjek kursin e trajnerëve për licencën UEFA Pro.
Argjentinasi rrëfen eksperiencën e tij në kursin e organizuar nga FSHF.
“Deri tani ecuria ka qenë shumë e mirë, është shumë intensive. Kalojmë shumë orë me leksionet e kursit, por mendoj se shkëmbimi i eksperiencës me ish-lojtarë.
“Ku disa prej tyre janë trajnerë të skuadrave të mëdha dhe gjithashtu edhe trajnerë të tjerë, të cilët janë pjesë e fushës së futbollit prej kohësh është një gjë e shkëlqyer për të gjithë studentët te cilët duan të mësojnë dhe të futen në botën e trajnimit”, tha Pablo Zabaleta për faqen zyrtare të FSHF-së.
Në këtë kurs po marrin pjesë edhe dy trajnerët të njohur të Superligës së Kosovës, Ramiz Krasniqi dhe Tahir Lushtaku.
📚⚽ Pablo Zabaleta, zëvendëstrajneri i Kombëtares, po ndjek kursin e trajnerëve për licencën UEFA Pro. Argjentinasi rrëfen eksperiencën e tij në kursin e organizuar nga FSHF.
📹 Intervista, në 𝐟𝐬𝐡𝐟.𝐨𝐫𝐠 pic.twitter.com/3A8K8ubYGF
— FSHF (@FSHForg) January 25, 2024
