Mirlind Daku vijon të shënojë edhe në vitin 2024. Sulmuesi shqiptar ka tundur sërish rrjetën ditën e sotme me skuadrën e Rubin Kazan.
Kampionati në Rusi ka marrë pushimet dhe skuadrat po zhvillojnë ndeshjet miqësore për të mbajtur të karikuar lojtarët.
Sot Rubin Kazan luajti një miqësore ndaj skuadrës serbe Napredak Krusevac. Daku tundi rrjetën në minutën e 59’ duke përmbysur sfidën në 3-2 e më pas do të shënohej edhe goli i 4-të. Një aksion ku luftoi nga fillimi deri në fund e më pas e finalizoi me futjen e topit në rrjetë.
Në kampionat, sulmuesi i Kombëtares ka shënuar 4 gola e 1 asist deri më tani.
