Përkrahja e madhe për Kombëtaren e Shqipërisë është rikthyer në gjithë trojet, përfshi këtu edhe Kosovën.
Në qytetin e Gjilanit është shfaqur një pankartë në lagjen “Qenar Qeshme” me mbishkrimin: Jam djalë nga Kosova më ka thirrë atdheu!
Ky shkrim ka për qëllim përkrahjen për futbollistin Mirlind Daku, i cili vjen nga kjo rrethinë, shkruan LIG Sport
Përmes rrjeteve sociale, Daku ka bërë një reagim dhe i ka falëndruar të gjithë për këtë befasi në prag të ndeshjes historike ndaj Moldavisë në rrugë për Euro 2024.
“Lagjja ime e dashur, faleminderit për përkrahjen”, ka shkruar Daku në rrjetet sociale.
Kujtojmë që ndeshja mes Moldavisë dhe Shqipërisë zhvillohet sot nga ora 18;00 dhe me një barazim fitohet bileta për Kampionatin Europian që zhvillohet vitin e ardhshëm në Gjermani.
