Brajan Gruda është padyshim ylli Mainzit. Lojtari që është vënë në radarët e Silvinjos për ta veshur kuqezi, po shkëlqen në Bundesliga gjatë këtij sezoni.
“Nuk dua të jem mbrojtës i majtë”, thotë bashkëlojtari i futbollistit shqiptar, Robin Zentner dhe buzëqesh, “Nuk kam parë kurrë një 19-vjeçar të luajë kështu”, shkruan LIG Sport
“Gruda ka tronditur mbrojtjen e Dortmundit”, përmbledh drejtori sportiv Martin Schmidt dhe e vlerëson të riun me një “performancë të jashtëzakonshme”.
Po ashtu edhe trajneri Mainzit ka folur me superlative për 19-vjeçarin shqiptar. Bo Henrikseni ka thënë se Gruda mund ta arrijë yjet në të ardhmen, ndërsa shton se asnjëherë nuk zhvillon një paraqitje të keqe.
Zentner "So einen 19-Jährigen wie Gruda habe ich noch nicht erlebt"
Unter Trainer Bo Henriksen setzt Mainz 05 wieder stärker auf spielerische Elemente. Das kommt auch Toptalent Brajan Gruda entgegen, der sich für höhere Aufgaben empfiehlt.https://t.co/VPYOv5zMYg
— kicker Fussball (@kickDE) May 12, 2024
“E dua këtë djalë. Ai thjesht luan me ndjenjë. Do ta bëjë rrugëtimin e tij, por sigurisht që ka ende shumë për të mësuar. Nëse ai të kalon topin, është e vështirë të mbrohesh, pavarësisht se kush je. Që kur kam ardhur, kemi folur shumë se si atij i duhet të punojë fort dhe kohët e fundit ishte lojtari me më tepër metra në fushë. Ndonjëherë Brajani luan në mënyrë fantastike, ndonjëherë mesatarisht, por kurrë keq. Shoh një të ardhme për të, sepse është një lojtar i pabesueshëm.
A do të largohet nga Mainzi? Të tjerët duhet t’i përgjigjen kësaj pyetjeje. Unë me të vërtetë do të doja të vazhdoja ta stërvisja, sepse ai është një djalë që mund të arrijë yjet nëse merr zhvillimin e duhur”, ka deklaruar Bo Henrikseni.
