Nikola Kaliniq i ka shpalosur të gjitha pas largimit nga Hajduk Spliti, ku mbante pozitën e drejtorit sportiv.
Duke treguar arsyen, ai përmendi edhe një transferim të dështuar – që kishte emrin e një lojtari shqiptar, shkruan LIG Sport
Kaliniq kishte në plan për ta sjellë në skuadër Lindon Selahin, mesfushorin shqiptar i cili po shkëlqen te Rijeka në Kroaci.
Ish-sulmuesi i shumë skuadrave kishte gjetur një sponsor edhe pse nuk ishte puna e tij, vetëm për ta transferuar mesfushorin e Kombëtares së Shqipërisë.
“Kam gjetur një sponsor për të sjellë Lindon Selahin, edhe pse kjo nuk ishte puna ime. Doja të ndihmoja Hajdukun, por klubi nuk u pajtua me këtë. Ata janë duke shkuar në drejtim të gabuar”, u shpreh Kaliniq i cili tashmë ka dhënë dorëheqje nga posti i drejtorit sportiv
Kujtojmë që Lindon Selahi ka kontratë me Rijekan deri në vitin e ardhshëm (2025). Vlera e tij në sajtin “Transfermarkt” është 3 milionë euro.
Nikola Kalinić on Selahi deal:
"I found a sponsor to bring Selahi, even though that’s not my job. I said I wouldn’t bring in reinforcements just for the sake of it. I wanted to help Hajduk, but the club didn’t recognize that, the club is heading in the wrong direction" 🚨 pic.twitter.com/JjZ48SEhxu
— 🇭🇷 (@TheCroatianLad) September 11, 2024
