Ditën e sotme nuk do të luhet vetëm dueli mes Spanjës dhe Francës, ku dy ekipet kërkojnë fitoren për kalimin në finale. Por luhen edhe dy sfida të tjera mjaft të rëndësishme.
Kampionët do të zbresin në fushën e lojës. Ballkani dhe Deçiq do të nisin kështu rrugëtimin e tyre në Champions League. Të dy ekipet shqiptare do të luajnë paralelisht në transferta.
Në orën 20:00, Deçiq do të sfidojë në transfertë ekipin e TNS. Shqiptarët e Malit të Zi do të tentojnë ta nisin me këmbën e mbarë ndaj rivalëve të tyre uellsianë.
Ndërkohë paralelisht në fushë do të zbresë edhe ekipi i Ilir Dajës. Ballkani do të sfidojë po në transfertë skuadrën e UE Santa Coloma. Kampionët e Kosovës do të synojnë fitoren ndaj atyre të Andorras.
Dy duele mjaft të rëndësishëm dhe sigurisht që marrin vëmendjen e tifozëve shqiptarë. Në këtë mënyrë kampionët rikthejnë emocionet e Champions League.
