Përzgjedhësi i Kosovës në futboll, Primozh Gliha e ka quajtur ndeshje të vështirë përballjen me Bjellorusinë.
Gliha, me tjerash potencoi se do të luajnë vetëm ata që janë më të mirët, njofton Klankosova.tv.
“Nuk kom presion dhe ndjehem mirë duke e drejtuar mirë ekipin, kemi luajtur pa disa lojtarë kyç ndaj Zvicrës, kemi luajtur për fitore”, ka deklaruar Gliha.
“Dua të them se Kosova nuk është një ekip i vogël, kam provuar që të gjejë zgjidhje për çfarëdo problemi që kishim – sot me futbollistët e kemi shikuar ndeshjen me Zvicrën, kemi provuar që të gjejmë gabimet, që këto gabime mos ti përsërisim nesër”.
“Do të jetë një ndeshje e vështirë nesër ndaj Bjellorusisë. Gjërat janë të qarta, luan kush është i miri, këtë e kemi dëshmuar. Secila ndeshje e ekipit kombëtar është e rëndësishme, nuk ka kalkulime me ekipin kombëtar, do të luajnë ata që e meritojnë dhe që janë më të mirën në formën e duhur”, vazhdoi ai.
Ai gjithashtu vuri në pah se qëkur mori detyrën tha se ka jetuar në Kosovë.
Përndrsyshe, Kosova ndeshjen e fundit në ciklin kualifikues e zhvillon nesër ndaj Bjellorusisë në stadiumin “Fadil Vokrri”.
