Matteo Dashi ka firmosur kontratën e parë profesionale me Crystal Palace në Premier League. Talenti shqiptar bën hapin e madh në karrierë ku pas disa viteve të mira me ekipet e moshave, ia ka dalë të bindë drejtuesit dhe stafin teknik të bëhet pjesë e skuadrës A këtë sezon.
Mesfushori 17-vjeçarë regjistroi 30 paraqitje sezonin e fundit me ekipin U18 duke shënuar 4 gola e 3 asiste. Dashi gjithashtu është pjesë e Shqipërisë U17 ku së fundmi luajti në kualifikueset UEFA Euro U17 me kuqezinjtë.
Pasi firmosi kontratën profesionale, Dashi u shpreh shkurtimisht për median e klubit: Sigurisht është shumë mirë, një ndjenjë fantastike. Ky është klubi im i parë ku kam qenë që nga akademia dhe jamë shumë mirënjohës për këtë mundësi.
