Bologna ka barazuar përballë Torinos në transfertë, në ndeshjen e luajtur në kuadër të javës së 35-të të Serie A. Sfida e zhvilluar në “Stadio Olimpico di Torino”, përfundoi në barazim 0-0.
Një ndeshje pa shumë raste, ku më kërkuese ishin torinezët. Por, në fund të sfidës skuadrat u ndanë në paqe, gjithashtu me rrjeta të paprekura.
Pas këtij barazimi, Bologna mbetet në vendin e katërt të renditjes, me 64 pikë të grumbulluara pas 35 javësh kampionat. Në krahun tjetër, Torino shkon në kuotën e 47 pikëve dhe mban vendin e 10-të në tabelën e klasifikimit.
Në këtë sfidë titullar për Torinon ishte edhe futbollisti shqiptar, Mërgim Vojvoda. Mbrojtësi i përfaqësueses së Kosovës zhvilloi një ndeshje të mirë duke marrë notën 7.1 dhe duke u ndëshkuar me 1 karton të verdhë.
