Trajneri i Kombëtares U21, Alban Bushi ka dalë në konferencën për mediat pasi publikoi listën me futbollistët e ftuar për ndeshjet e qershorit.
Bushi tregoi edhe të vërtetën mbi kontaktet me sulmuesin e Mainzit, Brajan Gurdës, shkruan LIG Sport
“Ne bëjmë punën tonë dhe të gjithë lojtarët janë kontaktuar, Roko Vata, Brajan Gruda, Luis Hasa, por është zgjedhje personale, me zemër dhe e bën si të dojë. Ne është luks ti kemi në ekip por është zgjedhja e tyre personale. Duhet të kalosh nga këtu njëherë për të shkuar në Kombëtaren A, duhet ta tregojnë njëherë këtu tek U21 pasi e kemi parë sa kanë ikur këtu për tek Kombëtarja”, deklaroi Bushi në konferencë për media
Kujtojmë që Gruda është ftuar në përgatitje stërvitore me Kombëtaren e Gjermanisë, por nuk do të bëjë pjesë në Euro 2024. Ai ka refuzuar Shqipërinë, por ende mund të bëj ndryshime në rast se i ndryshon mendja.
