Kristjan Asllani për një moment ka “hequr” vëmendjen nga futbollit, me mesfushorin e kombëtares shqiptare që është fokusuar te muzika. Nuk ka të bëjë me ndonjë projekt muzikor, por lojtari kuqezi ka vendosur të mbështesë Besa Kokëdhimën në Eurovizon 2024.
Këngëtarja do të përfaqësojë Shqipërinë në evenimentin më të madh muzikor që do të mbahet në Malmo të Suedisë. Me këngën “Titan” shpreson të shkojë sa më larg dhe për këtë Asllani ka treguar gjithë mbështetjen e tij.
Nëpërmjet një video në rrjetet sociale, mesfushori iu në thirrje të gjitha fansave kudo që ndodhet të mbështesin Besën. Ndër të tjera ai i fton të votojnë të gjithë numrin 2, numër që i përket këngëtares shqiptare.
“Në 9 maj Shqipëria do të luajë në Europianin e muzikës, Eurovision 2024. Të bashkohemi dhe ta mbështesim këngën “Titan” dhe Besën, përfaqësuesen e shqiptarëve në Eurovision 2024. Votoni 02″, thekson Asllani.
Kristjan Asllani fton të gjjthë për ta përkrahur Shqipërinë në #EUROVISION 🇦🇱 pic.twitter.com/MoZnMRUGjW
— LIG Sport (@lig_sport) May 7, 2024
