Kombëtarja shqiptare ka kryer mëngjesin e sotëm një seancë stërvitore në ambientet e “Shtëpisë së Futbollit”. Fillimisht lojtarët punuan në palestër e më pas me disa ushtrime me topin, ndërsa zhvilluan edhe një ndeshje testuese.
Edhe në seancën e sotme të pranishëm ishin 25 lojtarë, ndërkohë që sërish bashkë me grupin u stërvitën edhe dy lojtarët e Kombëtares U-21, Rejan Alivoda dhe Erald Maksuti. Portieri Elhan Kastrati u la përsëri pushim nga stafi teknik dhe trajneri Silvinjo për shkak të gjendjes gripale.
Pasditen e sotme kuqezinjtë do nisen drejt Austrisë, aty ku do të qëndrojnë deri më datë 8 qershor. Në program Shqipëria ka edhe dy ndeshje miqësore ndaj Lihtenshtejnit (3 qershor në orën 20:00) dhe Azerbajxhanit (7 qershor në orën 19:00), në “Haladás Sportkomplexum”, Hungari.
⚽ Stërvitja e fundit në 📌 "Shtëpinë e Futbollit" para ✈️ drejt Austrisë 🇦🇹
🇦🇱 Shqipëri-Lihtenshtejn 🇱🇮
📆 3 qershor, 20:00
🏟️ “Haladas SportKomplexum”, 📍 Hungari🎟️ Biletat mund t’i blini në 𝐣𝐞𝐠𝐲𝐦𝐞𝐬𝐭𝐞𝐫.𝐡𝐮#pokukasitioshqiperiaime #kombetarja #shqiperia #kuqezi pic.twitter.com/dcj4x4FQfx
— FSHF (@FSHForg) May 31, 2024
