Shqipëria mposhti Azerbajxhanin me rezultatin 3-1 në miqësoren e fundit në kuadër të përgatitjeve për Euro 2024.
Autorët e golave për kuqezinjtë ishin Nedim Bajrami, Rey Manaj e Qazim Laçi të cilët siguruan një tjetër triumf të Kombëtares. Në përfundim të ndeshjes, për mikrofonat e SuperSport foli trajneri Sylvinho.
“Jam i kënaqur, kemi bërë 3 ditë përgatitje në Tiranë dhe jemi këtu prej 1 jave. Bëmë 2 miqësore që më kanë kënaqur. Ecuri e kenaqshme. Ditët po afrohen për ndeshjen e parë dhe nesër do të nisemi për Gjermani ku do të vij edhe puna më e madhe.
Nga 6 gola, 5 i kanë shënuar sulmuesit?
Kjo është një fazë përgatitore ku duhet menaxhuar grupi. Kemi lojtarë që kanë luajtur 50 ndeshje apo shumë pak ndeshje. Nuk është i rëndësishëm vetëm rezultati në miqësore, por puna e menaxhimit të grupit dhe mendoj se kemi bërë shumë mirë.
Sa strategji loje kundër Italisë kishte sot?
Kjo periudhë do të jetë e dedikuar Italisë, sot u përdor shumë pak. E rëndësishme për ne ishte të punonim me futbollistët, të shihnim gjendjen e tye dhe t’i menaxhojmë ato.
Ndaj Italisë a do të luajnë po këto lojtarë që ishin sot?
Nuk e di. Nesër shkojmë në Gjermani ku do të punojmë për 7 ditë të tjera. Kemi shumë shumë punë për të bërë ndaj nuk mund të them gjë tani.
