Shqipëria do të luajë nesër kundër Kroacisë, ndeshje e dytë për grupet e EURO 2024. Para kroatëve, ka dalë në konferencën e zakonshme për shtyp trajneri Sylvinho.
“Timonieri” i kuqezinjve tregoi se si është atmosfera në kampin kuqezi, ndërsa theksoi se Italia është lënë pas. Ai evidentoi faktin se si mund të triumfonin ndaj Axurrëve dhe një gjë të tillë mund ta tentojnë sërish nesër ndaj kroatëve. Në fjalën e tij para gazetarëve ai tha:
“Në këtë moment jemi në rregull. Kemi pasur një sesion trajnimi të shkurtër. Do të kthehemi në hotel të flasim me stafin. Për momentin nuk kemi asnjë të dëmtuar.
Ngarkesa pas Italisë? Ky është një grup shumë i vështirë. Është gëzim shumë i madh për ne që luajmë këtu. Mësojmë te këto grupe. Në futboll çdo gjë mund të ndodhë. Siç kemi thënë është një gëzim që të luajmë. Këto skuadra kanë lojtarë të niveleve të larta. Është një gjë e mrekullueshme të luajmë kundër këtyre ekipeve. Kemi shumë gjëra për të mësuar. Unë asnjëherë nuk do të heq dorë. E kemi respektuar Italinë, por ishim në lojë deri në minutën e fundit. Ndoshta nesër do të fitojmë, kush e di, por do të jemi aty për të luajtur futboll.
Kroacia? Mund të flasim për lojtarët individualë më vonë. Ne kemi mbaruar që ndeshja e Kroacisë ka mbaruar 3-0. Por, ata kanë luajtur shumë mirë. Ka shkaktuar probleme të mëdha për Spanjën. Ishte një ndeshje shumë e mirë. Spanja në 29 minuta ka shënuar gola që i duheshin. Por, Kroacia ka një cilësi të madhe. Kanë posedimin e topit shumë të mirë. Nuk mund të themi që Spanja fitoi 3-0 dhe e kishte shumë të lehtë. Ju e keni parë ndeshjen vetë. Është gëzim i madh të luash kundër lojtarëve të mëdhenj. E njoh Xhorxhinjon nga 2017-ta, është i mrekullueshëm. Kapiteni ynë ka fituar Ligën e Europës. Kemi shumë lojtarë të mirë që janë të rinj. Duhet të jemi të durueshëm. Kemi luajtur një lojë të mirë kundër Italisë. Kemi lojtarë me përvojë dhe kjo është e mirë për ekipin kombëtar. Do të shohim drejtt të ardhmes.
Atmosfera? Nuk është se nuk e sulmuam Italinë. Ata nuk na lejuan. Ata ishin shumë mirë të bllokuar. Kemi sulmuar me 3, ata kanë pasur 3-4, pastaj 5 që ktheheshin prapa. Kemi pasur një pasim shumë të mirë nga Asllani. Italia është mbrojtur shumë mirë. Ky kompeticion ka nivelin shumë të lartë. Kemi të bëjmë me një futboll të një niveli shumë të lartë. Natyrisht duhet të bëjmë më të mirën e mundshme. Kjo është sfiduese dhe kjo e bën futbollin shumë pasionante. Duhet të shfrytëzojmë eksperiencën. Natyrisht që kemi një rrugë përpara. Në bazë të kësaj them që kemi bërë një ndeshje të mirë. Ata na kanë dhënë dy gola. Ne kishim mundësi në fund të barazonim.
Mesfusha e Kroacisë? Mesfusha është zemra e ekipit kroat. Janë me të vërtetë lojtarët më të mirë aty. Perisiç ka luajtur me Interin. Ka aftësi të mira. Lojtarët e mesfushës së Kroacisë kanë pasur një karrierë shumë të mirë. Kanë pasim shumë të mirë të topit. Duhet të përgatitemi sa më mirë për pjesë të tjera të fushës. E dini që aty është zemra e skuadrës. Kjo do të jetë një sfidë për ne”, përfundoi ai.
Kujtojmë që ndeshja Kroaci – Shqipëri është programuar të zhvillohet nesër në orën 15:00.
