Taulant Seferi është i bindur se Shqipëria meritonte më shumë se barazimin ndaj Kroacisë. Kuqezinjtë zhvilluan një lojë thuajse perfekte deri rreth minutës së 70’ ku dy gabime të shpejta përmbysën rezultatin.
Me një postim në rrjete sociale, sulmuesi i cili humbi një rast të pastër sapo hyri nga stoli, u shpreh se gabimet janë motivimi i tij.
“Performancë e shkëlqyer e skuadrës dhe një shpirt i madh i treguar në ndeshjen e fundit. E di që meritonim shumë më shumë, megjithatë, gabimet do të jenë gjithnjë motivimi im. Tani le të fokusohemi në ndeshjen e rradhës”, shkruan Seferi.
