Kombëtarja shqiptare do të luajë nesër sfidën e fundit të Grupit B përballë Spanjës, në orën 21:00 në Dusseldorf. Fitorja është rruga drejt kualifikimit në fazën tjetër, por do të ishte një mrekulli.
Shumë e vështirë në letër, por ndihma e madhe vjen nga shkallët e tribunave ku sipas raportimeve nga Gjermania, numri i shqiptarëve do të jetë rreth 40 mijë tifozë në stadium.
Tifogrupi ultras i Kombëtares, Tifozat Kuq e Zi kanë bërë një njoftim para ndeshjes në rrjete sociale ku kanë caktuar pikëtakimin e tyre dhe thërrasin të gjithë shqiptarët t’i bashkohen në mbështetje të ngjyrave kuqezi.
“Të dashur tifoza dhe sportdashës, nesër djemtë e Kombëtares kanë sfidën e radhës kundër Spanjës. Duke uruar dhe shpresuar që kjo të mos jetë përballja e fundit për këtë kampionat, ju ftojmë të gjithëve të bashkohemi në Düsseldorf për t’i dhënë mbështetjen që meriton Kombëtares më të mirë në botë.
Për ju që dëshironi të përjetoni atmosferën unike para ndeshjes, ju njoftojmë që vendtakimi jonë do të jetë në “Rheinpark – Düsseldorf” afër “Klever Straße“. Marshimi i përbashkët për në stadium do të fillojë në orën 17:15! Me ty Shqipëri se je më e mira!”- njofton tifogrupi.
