Për Ylber Ramadanin dhe Medon Berishën kanë përfunduar pushimet. Dy shqiptarët pas aventurës me Shqipërinë në Euro 2024 i janë bashkuar ekipit në stërvitje.
Si Ylberi ashtu edhe Medoni ishin protagonistë me kuqezinjtë në Gjermani, teksa tashmë kanë nisur punën për sezonin e ri. Të dy lojtarët janë bërë pjesë e grumbullimit.
Lecce po zhvillon fazën e saj përgatitore në Austri në Neustift. Seanca e parë stërvitore e dy futbollistëve të Kombëtares ishte kryesisht në palestër, me stafin që ka preferuar që fillimisht lojtarët ta nisin me disa ushtrime, teksa gradualisht për t’u bërë pjesë e grupit.
Ramadani dhe Berisha janë lojtarë shumë të rëndësishëm për ekipin italian dhe pritet që edhe në sezonin e ri të jenë protagonsitë në fushën e loës. Sezoni 2024-2025 për Lecce starton më 19 gusht në shtëpi, teksa presin Atalantën.
