Armando Broja ka finalizuar në ditën e fundit të merkatos së verës transferimin e tij te Evertoni nga radhët e Chelseat. Por do të duhen ende disa javë para se sulmuesi kuqezi të veshë fanellën e klubit të tij të ri, ku do të mbajë numrin 22.
Futbollisti ka pësuar një dëmtim në stërvitje me Chelsean para se të transferohej dhe kjo situatë e la atë jashtë grumbullimit të Kombëtares për ndeshjet e shtatorit e rrezikon që ta lërë jashtë ndoshta deri në tetor.
Edhe trajneri i Everton, Sean Dyches, është i qartë se nuk do të ketë në dispozicion sulmuesin dhe ka qenë i ndërgjegjshëm që diçka e tillë mund të ndodhte. Ai e ka konfirmuar këtë në konferencën e djeshme për mediat, duke sqaruar se për momentin nuk flitej për aktivizimin e sulmuesit.
“Për Armandon do të duhet pak kohë. Mendoj se të gjithë janë të ndërgjegjshëm për këtë situatë”, tha trajneri, duke lënë të kuptohej se dëmtimi i pësuar në ditët e fundit të gushtit te Çelsi do të shtynte edhe pak debutimin e sulmuesit shqiptar.
Sean Dyche shares whether Armando Broja and Orel Mangala will be fit for Everton vs Aston Villa https://t.co/Zqiou1h5gl #EFC #Football #Everton
— Everton News (@EvertonDotNews) September 12, 2024
