Kampioni i Bundesligas, Bayern Munich para dy dite u eliminua nga Kupa e Gjermanisë pasi u mposht nga skuadra e Ligës së Tretë, Saarbrucken.
Golin në sekondat e fundit për rezultatin 2-1 e shënoi Marcel Gaus, shkruan LIG Sport
Por fajtori kryesor për eliminimin e Bayernit ishte një futbollist shqiptar. Bëhet fjalë për Tim Civeja, vetëm 21-vjeçar i cili dha asistin për mrekulli për bashkëlojtarin e tij.
Civeja është pjesë e Kombëtares së Shqipërisë në grupmoshat U21, kurse pozita e tij është mesfushor.
Futbollisti shqiptar karrierën e ka filluar te ekipi i Augsburgut, por më pas u transferua me parametra zero te skuadra e Saarbrucken. Civeja më parë ka luajtur edhe për ekipin e Ingolstadt.
Vlera e tij në sajtin e njohur “Transfermakrt” shkon deri në 250 mijë euro. Në 12 ndeshje sa ka zhvilluar deri tani në këtë sezon, Tim Civeja ka shënuar një gol dhe ka bërë katër asiste.
🤯🥳 @ersterfcs #DFBPokal #BERLIN2024 #GEWINNERBLEIBT pic.twitter.com/DOicRt9Psh
— DFB-Pokal (@DFB_Pokal) November 1, 2023
