Mbrëmë u mbyllen edhe gjysmëfinalet e dyta në UEFA Europa League, duke mësuar kështu finalen e madhe që do të jetë ajo mes Bayer Leverkusenit dhe Atalantas.
Leverkusen barazoi 2:2 ndaj Romës, por që mjaftoi kualifikimi në finale, pasi ndeshjen e parë e kishte fituar me rezultatin 0:2, shkruan LIG Sport
Kurse, klubi i Atalantas shënoi fitore 3:0 ndaj Marseille në Bergamo për ta siguruar një finale të madhe në këtë kompeticion.
Në formacionin më të mirë të javës të publikuar nga Sofa Score kemi dy lojtarë shqiptarë, Granit Xhakën dhe Berat Gjimshitin.
Dyshja që do të takohen në finale, zhvilluan ndeshje fantastike mbrëmë.
Xhaka i Leverkusenit u vlerësua me notën 8.9, pasi bëri shumë pasime të sakta dhe një asist – kurse Gjimshiti me notën 7.6 duke qenë i pakalueshëm në mbrojtjen e klubit italian.
Kujtojmë që finalja e Europa League zhvillohet më 22 maj në stadiumin “Dublin Arena” në Aviva të Irlandës.
