Futbollisti i Interit, Kristjan Asllani u shpreh tejet i lumtur me triumfin në derbi ndaj Milanit dhe poashtu titullin kampion me “Nerrazzurët”.
Interi mposhti Milanin me rezultatin 2-1 për të shtuar yllin e dytë në fanellën e tyre, përcjell LIG Sport.
Pas ndeshjes, Asllani tha se si tifoz i Interit nuk kishte si të bëhej më mirë për të, sesa ta fitonte titullin në derbin e madh të qytetit.
“Jemi të lumtur, e kemi pritur këtë! Emocione të pabesueshme, si tifoz i Inter, nuk mund të kërkoja më shumë. Jemi shumë të lumtur sepse po luanim jashtë shtëpisë, por dëgjuam kaq shumë zhurmë nga tifozët tanë. Kam kaq shumë emocione. Ndoshta nuk e kuptoj ende se çfarë kemi bërë…Do të shoh në mëngjes.
Energjia jonë ishte e madhe, fitorja në derbi e bën atë edhe më të rëndësishme”, tha Asllani.
