Arbër Hoxha është shfaqur protagonist në ndeshjen që ekipi i tij, Dinamo Zagreb ka luajtur në transfertë përballë Shakhtar Donetsk. Kjo sfidë miqësore ka përfunduar në barazim 2-2.
Ishte minuta e 98-të e ndeshjes, kur sulmuesi i Kombëtares shqiptare shënoi golin e tij të parë për vitin 2025. Sfida ishte 2-1 në favor të Shakhtar, por Hoxha mori situatën në ‘këmbët’ e tij.
Sulmuesi shqiptar ia doli që me disa lëvizje ‘alla-Messi’ të driblonte me lehtësi kundërshtarët, e më pas të dërgonte topin në fundin e rrjetës.
Një gol mjaft i bukur dhe me shumë klas që i merr kështu vëmendjen edhe trajnerit të ri të Dinamos së Zagrebit, italianit Fabio Cannavaro. Kujtojmë se kjo sfidë miqësore u zhvilluar në Antalja të Turqisë.
