Optimizmi i shqiptarëve është në nivel maksimal para nisjes së EURO 2024. Të gjithë besojnë se Kombëtarja do të kalojë grupin e “ferrit” aty ku ndodhet me superfuqitë europiane si Spanja, Kroacia apo Italia.
Por jo vetëm kaq. Disa të tjerë besojnë se kuqezinjtë e Sylvinhos do t’i shkojnë deri në fund Europianit duke fituar edhe trofeun.
Diçka të tillë e parashikon edhe ish-banori i Big Brother VIP, Julian Deda. Me anë të një loje në rrjetin social TikTok ku i duhet të zgjedhë skuadrën fituese për çdo ndeshje, aktori i njohur i humorit ka bërë parashikimin e tij.
Shqipëria shkon deri në finale, aty ku do të përballet me Zvicrën e shqiptarëve. Sipas Julian Dedës, edhe aty Shqipëria do të fitojë pa probleme, duke bërë që kapiteni Gjimshiti të ngrejë lart trofeun dhe Kombëtarja jonë të kurorëzohet si kampione e Europës.
Video:https://www.tiktok.com/@juldeda/video/7376308761536777477?_t=8n3RtTfffAE&_r=1
