Futbollisti i Kombëtares së Kosovës, Edon Zhegrova pritet që gjatë afatit të verës të bëjë ndonjë lëvizje të madhe.
Zhegrova po shkëlqen me fanellën e Lille në Ligue 1 ku ka shënuar pesë gola dhe ka bërë pesë asiste, shkruan LIG Sport
Megjithatë statistikat nuk është që po e tregojnë realitetin e formës që po kalon futbollisti kosovar.
Paraqitjet e tij tashmë kanë “rënë” në sytë e shumë klubeve, përfshi këtu edhe gjigantët italian, Napoli dhe Juventus.
Gazetari Nicolo Schira raporton se dy skuadrat italiane janë duke e monitoruar situatën e lojtarit kosovar, i cili ka një vlerë deri në 15 milionë euro sipas sajtit “Transfermarkt”.
#Napoli and #Juventus are monitoring #Lille’s winger Edon #Zhegrova. #transfers #LOSC
— Nicolò Schira (@NicoSchira) April 6, 2024
