Real Madridit i ka mjaftuar një gol në transfertën e Alaves për të triumfuar 0 me 1. Kështu “Galaktikët” janë shpallur dhe kampion dimri, me po aq pikë sa Girona (45), por me avantazhin e fitores në ndeshjen direkte.
Goli i miqve erdhi në minutën e 92’, atëherë kur më pak pritej. Ishte Lucas Vazquez që shfrytëzoi krosimin e Kros nga këndorja, për 3 pikë të vlefshme. Më parë Girona kishte barazuar 1 me 1 ndaj Real Betis.
Kamerat kapen momentin kur trajneri i Deportivo Alaves, Garcia u çartë pasi pranoi gol në minutat e fundit.
Madrilenët patën vështirësi pasi Nacho Fernandez u ndëshkua me karton të kuq në minutën e 54′, duke detyruar të tijtë të luajnë me 1 lojtar më pak. Kujtojmë se Barcelona si ndjekësi më i afërt është 7 pikë larg.
Fair to say Deportivo Alaves’ coach didn’t take Lucas Vazquez’s goal well…
— CentreGoals. (@centregoals) December 21, 2023
