Granit Xhaka, mesfushori i Kombëtares së Zvicrës dje gjatë ditës mori lajmin më të mirë në karrierën e tij si futbollist.
Xhaka u nominua për çmimin individual më të rëndësishëm për futbollin, ai i Ballon d’Or, shkruan Indeksonline
Gjatë një interviste për Indeksonline, shoku i tij i ngushtë dhe ish-lojtari Blerim Rrustemi tregoi se Xhaka meriton çdo respekt për atë që ka bërë si me Bayer Leverkusen dhe me Kombëtaren e Zvicrës.
“Graniti është gëzu shumë, ne jemi në kontakt të përditshëm dhe flasim sa i përket futbollit dhe gjërave tjera.
“Granit Xhaka është tepër i rëndësishëm, si te Leverkusen ashtu edhe te Kombëtarja, është çelsi kryesor i raportit si mbrojtjes ashtu edhe sulmit, me kualitetin e tij dhe eksperiencën e tij. E ka pasur gjithmonë kualitetin, por mosha e bën të vetën për të qenë lider asbolut dhe çelsi kryesor i mesfushës – si te ekipi, si te Zvicra”, u shpreh Rrustemi për Indeksonline
Sa janë gjasat që Xhaka të zë një vend sa më lartë në “Topin e Artë”:
“Varet edhe nga ekipi sigurisht, se cfarë suksesi. Nëse do ta fitonte Europa Leaguen, mendoj se Graniti do të ishte i pari ose i dyti si mesfushori më i miri për Topin e Artë
“Tash varët se kush cfarë ka fituar me ekipin. Ai e ka fituar ligën e Gjermanisë dhe Kupën – por sa ka vlerë kjo.
A do ishte surprizë nëse e fiton “Topin e Artë”?
“Nuk do ishte surprizë nëse e fiton këtë çmim individual, sepse vërtetë e meriton.
“A është Graniti më i miri, prapë them që është më i miri për mesfushë. Dhe me gjithë meritë është aty.
“Është shqiptari i parë që ka arritur të nominohet për Topin e Artë dhe sigurisht që jemi të gëzuar të gjithë populli shqiptar. I uroj suksese dhe mendoj se Graniti do jetë i dyti për mesfushë më i miri”, vazhdoi tutje ish-lojtari shqiptar
Kujtojmë që Granit Xhaka që pas largimit nga Arsenali, arriti të korrte sukses të jashtëzakonshëm me fanellën e Bayer Leverkusenit, duke fituar Bundesligan pa pasur asnjë humbje.
